Haxhiu takohet me përfaqësuesit e Odës së Ndërmjetësuesve

Morina dhe znj. Isufi e informuan Ministren lidhur me angazhimet e Odës së Ndërmjetësuesve, që nga themelimi i Odës e deri te organizimi i seancave të ndërmjetësimit online, që në vitin e fundit kanë kontribuar në zgjidhjen e më shumë se 5 mijë rasteve përmes ndërmjetësimit, transmeton Rahoveci INFO.

Përfaqësuesit e Odës po ashtu e njoftuan Ministren me nevojën e hartimit të politikave të ndërmjetësimit, që i referohen regjistrit të ndërmjetësuesve por edhe tarifave të tyre, ashtu siç është paraparë me Ligjin për Ndërmjetësimin.

Ministrja Haxhiu ka shprehur shqetësimet e saj lidhur me vonesën në zbatimin e procedurave ligjore në qëllim të adresimit të obligimeve të parapara me Ligj. Lidhur me këtë, Ministrja është zotuar të ndërmerr të gjithë hapat e nevojshëm, në një procedurë sa më të shkurtër, ashtu që pasqyra e akteve nënligjore që fuqizojnë ndërmjetësimin të miratohet, dhe të kontribuojë më tutje në promovimin e ndërmjetësimit, si njërës prej metodave për zgjidhjen e kontesteve që lehtëson qasjen e qytetarëve në drejtësi.

Së fundmi, Ministrja Haxhiu ka shprehur pajtim me të gjitha shqetësimet e ngritura nga ana e përfaqësuesve të Odës dhe është pajtuar me të njëjtit, për bashkëpunim të ngushtë në të ardhmen. /Rahoveci INFO/

error: Ku po shkon !!

Adblock Detected

Please consider supporting us by disabling your ad blocker