Haxhiu shpreh dyshime se qeveria mashtroi: Deputetëve s’po u jepet kontrata me Pfizer

Rahoveci INFO 22 Qershor, 2021

haxhiu-shpreh-dyshime-se-qeveria-mashtroi:-deputeteve-s’po-u-jepet-kontrata-me-pfizer

Haxhiu me anë të një postimi në Facebook, ka nënvizuar faktin se Kosova është e fundit në Evropë në procesin e vaksinimit, shkruan Rahoveci INFO.

Ai ka thënë se jo-transparenca e qeverisë në këtë aspekt, shton dyshimet për keqpërdorim dhe për vërtetësinë e deklaratave të MSH-së në lidhje me këtë kontratë.

Postimi i plotë:

Sot në mbledhjen e Komisionit Parlamentar për Shëndetësi dhe Mirëqenie Sociale, propozova që të kemi qasje në kontratën e Qeverisë të lidhur me Pfizer.

Kërkesa ime u hodh në votim, mirëpo deputetët e LVV votuan kundër dhe nuk e mundësuan qasjen e anëtarëve të Komsionit Parlamentar për Shëndetësi në verifikimin e kontratës me Pfizer.

Kosova është vendi i fundit në Evropë në procesin e vaksinimit dhe deri me sot ka pranuar vetëm vaksina të dhuruara donacion nga COVAX, BE dhe vendet mike.

Jo transparenca e Qeverisë së Kosovës dhe vota kundër e deputetve të LVV-së, në Komision, shton dyshimet për keqpërdorime dhe për vërtetësinë e deklaratave të Qeverisë dhe MSH.

Përse nuk u lejohet anëtarëve të Komisionit Parlamentar për Shëndetësi qasja në kontratën e lidhur me Pfizer?Çfarë po fshihet pas kësaj kontrate?

A është ky edhe një mashtrim i radhës? /Rahoveci INFO/

Rahoveci INFO 22 Qershor, 2021