Gërvalla: Me Luksemburgun synojmë thellimin e bashkëpunimit bilateral në shumë sfera

Siç bën të ditur MPJ, gjatë takimit që Gërvalla pati me ministrin për Bashkëpunim për Zhvillim dhe Çështje Humanitare, Franz Fayot, ministrja Gërvalla shprehu mirënjohjen e shtetit të Kosovës për mbështetjen e vazhdueshme dhe miqësinë e mirë mes të dy vendeve.

Posaçërisht ka veçuar bashkëpunimin mes Luksemburgut dhe Kosovës në sektorin e shëndetësisë, në arsim si dhe në procesin e integrimit në BE.

“Një ndër prioritetet e qeverisë është përmirësimi i dukshëm i kushteve për investime të huaja me synimin për ta bërë Kosovën më atraktive për këto investime. Kosova mund të përfitojë shumë nga shkëmbimi me një partner në BE si Luksemburgu, i cili është ekonomikisht i fuqishëm dhe me përvojë të madhe ndërkombëtare”, ka thënë Gërvalla.

Së bashku me ministrin Fayot kanë diskutuar për mundësi të bashkëpunimit mes të dyja vendeve në fusha që lidhen me sistemin financiar, digjitalizimin dhe çështje të tjera.

Dy ministrat u dakorduan që së shpejti të organizohet takimi i radhës së Komisionit të Partneritetit për të vlerësuar nevojat, format e bashkëpunimit dhe diversifikimin e mundshëm të partneritetit mes të dy vendeve. /Rahoveci INFO/

error: Ku po shkon !!

Adblock Detected

Please consider supporting us by disabling your ad blocker