Lushtaku komenton raportimin e Simmons: Është e vërtetë ajo që ka thënë ai

Lushtaku në T7 tha se drejtësia nuk duhet të funksionojë në këtë formë. Ai shtoi se nuk e ka të qartë kush është ‘peshk i madh’ e kush është ‘peshk i vogël’.

“Drejtësia nuk duhet me funksioni kështu, nuk e kam qart kush është peshk i madh e kush është peshk i vogël, ata që kanë ra ndesh me ligjin pak ka rëndësi kush është, a është qytetar, a është politikan a komandant në polici. E vërteta është ajo që ka thënë zotri Simons, derisa dikush akuzohet me akuza të pabaza nuk do koment. Nëse ne jemi respektu nga një pjesë e qytetarëve ne nuk kemi ra ndesh me ligjin”, tha Lushtaku.

Tutje ai tha së ishte akuzuar edhe nga mediat për ikjen nga Qendra Klinike Universitare e Kosovës, derisa e ka mohuar një gjë të tillë.

Lushtaku tha se nuk ka dashur të shkonte në burgun e veriut të Mitrovicës pasi atje nuk ishte asnjë gardian shqiptar e as ndërkombëtar.

“Unë jam akuzu edhe prej mediave për ikjen nga spitali, kjo nuk është e vërtetë nuk ka ndodhur asnjëherë. Nuk kam dashtë me shku në Mitrovicë, atje ku nuk ka asnjë gardian shqiptar dhe asnjë ndërkombëtar. Institucionet e Kosovës kanë thënë që nuk ka siguri për ushtarët e uck në veri të Mitrovicës”, tregoi Lushtaku.

error: Ku po shkon !!

Adblock Detected

Please consider supporting us by disabling your ad blocker