Haliti për Donika Gërvallën: Kurrfarë faktori s’është ajo në Qeveri, pozita e saj është e kotë

Haliti tha se faktori i vetëm në Qeveri është kryeministri aktual, Albin Kurti.

Tutje, Haliti foli edhe për akuzat e disa politikanëve që iu drejtuan Gërvallës, se kjo e fundit duhet të shkarkohet, teksa shtoi se ajo nuk mund të kritikohet për veprimet apo deklaratat që ajo i ka bërë në të kaluarën.

Haliti tha se ajo duhet të përmendet për sukseset apo dështimet e saj, ndërkaq, se nëse duhet të shkarkohet ministrja Gërvalla apo jo, deputeti i PDK-së, thotë se për këtë çështje vendos shefi i saj në Qeveri.

“Rregullat për ta shkarkuar janë me kushtetutë dhe rregullore. Administrativisht nëse nuk kemi vota për ta shkarkuar Qeverinë, mund ta shkarkojë atë [Gërvallën] vetëm kryeministri, tjetër askush. Unë nuk e kam kërkuar dorëheqjen e saj, askush s’mund të akuzohet për veprimet që i ka bërë para se të bëhet ministre, pasi e ka bërë në rrethana të ndryshme. Nga koha kur e ka marrë mandatin, duhet t’i mblidhen sukseset dhe mos-sukseset”, u shpreh Haliti.

“Ne jemi vend i vogël dhe pozita e ministrit të punëve të jashtme është e kotë, pasi politikat e shtetit i bën kryeministri. Kurrfarë faktori s’është ajo, faktor është Albin Kurti dhe askush tjetër në këtë Qeveri. Albini e ka bërë ministre dhe ai po e mban pasi ai ka një marrëveshje koalicioni. Ne nuk kemi bërë asnjë mocion mos-besimi ndaj saj në Kuvend. Sikur të kishte bërë PDK-ja mocion mos-besimi ndaj ministres së Punëve të Jashtme, do ta mbështesja ose s’do ta mbështesja, ose do të shkarkohej ose jo në Kuvend”, tha Haliti për Reporteri.net.

 

error: Ku po shkon !!

Adblock Detected

Please consider supporting us by disabling your ad blocker