Pacolli u bën thirrje politikanëve shqiptarë që të ulin tensionet dhe t’i lënë anash inatet personale

Përmes një postimi në Facebook, Pacolli thotë se pa ndonjë pretendim politik apo preferencë për dikë, e sheh të nevojshme që të ftojë përfaqësuesit e të dyja vendeve që të bashkohen, në kohën kur mbështetja për Kosovën nga Shqipëria është mëse e nevojshme.

Ai thotë se për këto ‘rivalitete personale’, krerët e shteteve nuk duhet të ndërmarrin veprime që e dëmtojnë Kosovën.

Postimi i Pacollit vjen pas debatit për “Open Ballkan” dhe festën që këngëtari serb, Goran Bregoviq të këndojë në Shqipëri, si dhe reagimit të kryeministrit shqiptar, Edi Rama, lidhur me këto çështje.

Postimi i plotë:

“Pa pretendime politike, mbështetje, kritikë apo preferencë ndaj askujt, e kam më se të nevojshme të ftoj përfaqësuesit e institucioneve të dy vendeve tona (Shqipërisë dhe Kosovës) që të ulin tensionet, të lënë mënjanë inatet dhe teket dhe interesat personale dhe të fillojnë të punojnë së bashku e të harmonizojnë dhe koordinojnë të gjitha veprimet politike, në një kohë kur mbështetja për Kosovën nga Shqipëria, është më se e nevojshme.
Unë besoj se për shkak të “rivaliteteve personale” krerët e shteteve nuk duhet të ndërmarrin asnjë veprim që mund ta dëmtojë Kosovën ose ta privojnë atë nga rrugëtimi i saj, veçanërisht kur ajo gjindet në “udhëkryqin e madh”.
Çdo pretendim për të “sfiduar rivalin” midis udhëheqësve politikë të Kosovës dhe Shqipërisë do të ishte një humbje për Kosovën e jo për Shqipërinë, pasi është e qartë se Shqipëria është në një pozitë më të fortë se Kosova, duke filluar me faktin se Shqipëria është një shtet, de facto dhe de jure, anëtare e të gjitha organizatave botërore dhe e njohur nga e gjithë bota, me një traditë të gjatë politike, është ekonomikisht më e fortë, ka shumë më tepër burime natyrore sesa Kosova dhe qëndron gjithashtu fakti i padiskutueshme që çdo ditë Shqipëria po bëhet gjithnjë e më e rëndësishme në Rajon dhe më gjerë.
Prandaj, politikanët e Kosovës duhet menjeherë të fillojnë e të veprojnë me kolegët e tyre ne Shqipëri bashkatishtë, pa arrogancë dhe emocione të harmonizojnë veprimet e tyre, gjithmonë në interes të qytetarëve e sidomos të Shtet- dertimit të Kosovës. …
Nuk ka asnjë Shqipëtar apo përfaqësues politik shqiptar që nuk e do Kosovën!”. /Rahoveci INFO/
Ballina
RadioRahoveci
Video
Këmbimi
Moti
error: Ku po shkon !!