Partitë shqiptare në veri bëhen bashkë, synohet të sfidohet fuqishëm Lista Serbe

Sadiku në “Info Magazine” në Klan Kosova tha se pas një pune intensive pesë-gjashtë mujore u bë i mundur arritja e këtij koalicioni.

“Pas një pune intensive diku pesë-gjashtë mujore kemi arritur një marrëveshje që të garojmë të gjithë së bashku. Pos komunitetit shqiptarë dhe boshnjakë kemi edhe komunitetin romë, ashkalinj dhe egjiptian – por kemi menduar që t’i kemi edhe dy vende të rezervuara për komunitetin serbë”.

“Ideja e këtij koalicioni është që definitivisht të jemi të bashkuar për qytetarin e Mitrovicës dhe t’ju japim një ofertë që të ndryshojnë gjërat pozitivisht për ta dhe qytetin e Mitrovicës së Veriut”, u shpreh Sadiku.

Sadiku mes tjerash tha se teksa janë bërë bashkë të gjitha partitë politike synojnë që të mobilizohen sa lista serbe.

“Lista Serbe është vetëm një subjekt dhe i ka të përmbledhur të gjithë votuesit serbë dhe kjo është një luftë që duhet që të arrijmë të mobilizohemi ashtu”, tha Sadiku.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Adblock Detected

Please consider supporting us by disabling your ad blocker