Avdyli: Lista “Guxo” pritet të garojë në pesë komuna me kandidatë për kryetarë

Kështu ka bërë të ditur anëtari i Listës “Guxo”, deputeti Haxhi Avdyli.

“Istogu është njëri prej komunave që mund të ketë, pastaj mund të jetë Dragashi, Obiliqi dhe komuna tjera, që ne kemi mundësitë, por edhe një numër komunash që do të kemi unitet në kandidaturën e përbashkët me Lëvizjen Vetëvendosje”, deklaroi Avdyli në RTV Dukagjini.

Avdyli pohoi se kandidatët për kryetar janë figura të reja, dhe se në kaluarën kanë qenë pjesë e LDK-së.

Ndryshe, kohë më parë ministrja e Punëve të Jashtme, Donika Gërvalla nga Lista “Guxo”, kishte deklaruar se kjo listë do të garojë në zgjedhjet e 17 tetorit bashkë me Lëvizjen Vetëvendosje. Por, kjo deklaratë ka hasur në kundërshtimin e disa degëve të kësaj liste.

Dega e listës “Guxo” në Ferizaj tashmë ka aplikuar për certifikim në Komisionin Qendror të Zgjedhjeve (KQZ).

Zgjedhjet lokale do të mbahen më 17 tetor.

error: Ku po shkon !!

Adblock Detected

Please consider supporting us by disabling your ad blocker