​Pasi dështoi të bëhet deputete dhe anëtare e kryesisë, Xhevahire Izmaku jep dorëheqje nga PDK

Ajo ka shkruar në statusin e dorëheqjes që e ka publikuar në Facebookun e saj se po largohet pasi iu ngushtua hapësira e veprimit.

Por edhe pse nuk ka reagim zyrtar nga PDK, burime brenda degës së PDK-së në Vushtrri, bëjnë të ditur për Kosova Press se arsyeja reale e dorëheqjes së Izmakut lidhet me dështimet personale të saj për të arritur synimet personale politike, pasi ajo dështoi të fitojë besimin e qytetarëve të Vushtrrisë në dy palë zgjedhjet e fundit si dhe dështoi të bëhet anëtare e kryesisë qendrore.

I njëjti burim ka treguar se ish-deputetja Izmaku që prej 2017 ka bërë përpjekje për të lëvizur në subjekte të tjera ku kishte negociuar me AKR dhe me VV.

“Kulmi i zhgënjimit të saj ka ndodhur në këto zgjedhje lokale e partiake ku ajo dështoi në përpjekjet e saj për të mbështetur disa njerëz që nuk kishin asnjë mbështetje të strukturave të degës së PDK në Vushtrri. Pas dështimit në Vushtrri ajo nuk arriti të bëhet as anëtare e kryesisë qendrore dhe tani po e sheh që i ka humbur i gjithë ndikimi e këto dështime po i paraqet si mungesë hapësire. Po e njëjta parti qe 20 vjet i ka dhënë hapësirë e pushtet por tani nuk ka mbështetje qytetare”, tha ai.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Adblock Detected

Please consider supporting us by disabling your ad blocker