Kimete Berisha për sulmet në veri: Prit se po intervenojnë policia, atë e bënë protestuesit

Berisha në një postim në Facebook, ka kritikuar Policinë e Kosovës për mungesë vigjilence, shkruan Rahoveci INFO.

“Prit e prit që po intervenojnë policia, intervenuan protesuesit!”, ka shkruar ajo.

“Ku ishin policët dhe çka bënin shqiponjat e Kosovës në ato çaste kur protestuesit serbë i kallën qendrat e regjistrimit të automjeteve në Veri?”, ka shkruajtur tutje ajo.

Madje sipas Berishës, kryeministri Kurti dhe ministri Sveçla turpëruan Kosovën dhe e degraduan deri në nivelin më të ulët të mundshëm.

Postimi i plotë i saj:

Kush po lyp luftë!

Prit e prit që po intervenojnë policia, intervenuan protesuesit!

Ku ishin policët dhe çka bënin shqiponjat e Kosovës në ato çaste kur protestuesit serbë i kallën qendrat e regjistrimit të automjeteve në Veri?

Albin Kurti dhe Xhelal Sveçla e turpëruan Kosovën dhe e degraduan në nivelin më të ulët të mundshëm!

Tash, kah do t’ia mbajnë!

A do të ktheheni në shtëpi, apo do të vazhdoni t’i shikoni serbët kah ua fusin flakën Institucioneve tjera!

Shqiptari s’guxon të dal pa

maskë në rrugë, kurse në Veri serbi guxon të gjuaj granata para policëve të Kosovës.

Njësinë Speciale i shfrytëzon Albin Kurti si spektatorë dhe si truproje të protestuesve serbë!

Është e ndaluar të hedhësh granatë nëse nuk e ke vënë maskën?!

Në Prishtinë nuk guxon të protestosh para qeverisë se të shkelin në fyt policia,

në Veri natën të kallin serbët dhe ministri Xhelal Sveçla e merr vesh n’sabah!

Për t’ia futur flakën dhe për ta ndezur Veriun kanë ditur para Albin Kurtit. Kanë ditur shumë më mirë.

Albin Kurti ka ditur t’i drejtojë armët e tij veç ndaj Institucioneve të Kosovës!

Albin Kurti ka kujtuar se paramilitarët serbë janë si deputetët shqiptarë, që ua gjuan gazin lotsjellës hundëve e ata nuk bëjnë zë, veç të lusin ‘aman, mos na gjuaj’!

Ironia më e madhe është se protesta është e organizuar nga Lista Serbe, pra nga qeveria e Kosovës.

Qeveria e Kosovës edhe e kall veriun, edhe e ‘mbron’ veriun!

Kjo është tragjike!

E edhe më i rëndë është fakti se Institucionet e Kosovës po digjen nga paramilitarët serbë të cilët marrin rroga nga Albin Kurti, pa punuar!

Nga ata të cilëve Albin Kurti ua paguan shpenzimet e rrymës, ua paguan shpenzimet e ujit, dhe mbeturinave.

Pra, me paret e shqiptarëve paramilitarët serbë i blejnë shkrepsat dhe granatat për t’i djegur Institucionet e Kosovës!

Nuk jeni për këtë punë.

Njeriu i mençur nuk e ndez luftën të terrenin e tij! . /Rahoveci INFO/

error: Ku po shkon !!

Adblock Detected

Please consider supporting us by disabling your ad blocker