Minxhozi: Në takimin e Kurtit dhe Ramës nuk u bisedua për “Ballkanin e Hapur”

Ai ka thënë se në atë takim dy orësh u bisedua për zhvillimin e marrëdhënieve mes dy shteteve.

“Vizita e delegacionit të Qeverisë së Shqipërisë është shumë e shpejtë. Kjo është vizita e parë që është bërë në një shtet nga Rama prej momentit kur e ka marrë mandatin e tij. Kjo tregonte se dëshira e Tiranës për t’u takuar ishte një realitet i domosdoshëm, kjo ishte një vizitë e dakorduar që u bë menjëherë pas urimit dhe ftesës së Kurtit për Ramën i cili u përgjigj menjëherë”, tha Minxhozi.

Ai ka thënë se kjo vizitë përmbush edhe parametrat për njerëzit e Kosovës dhe Shqipërisë për një etapë të re të bashkëpunimit.

“Kjo është një vizitë e cila i përmbush të gjitha parametrat për njerëzit e Kosovës dhe Shqipërisë që dëshironin një etapë të re të bashkëpunimit, pavarësisht një luhatje momentale. Në takimin e Prishtinës mes Ramës dhe Kurtit nuk është cekur fare tema e “Open Ballkans”, flas për takimin e parë që zgjati rreth dy orë në kryeministri”, ka thënë ai.

Minxhozi ka bërë të ditur se në takim është diskutuar edhe për rritjen e bashkëpunimit mes dy shteteve.

“Aty u diskutuar si të rrisim tempin e marrëdhënieve mes Kosovës dhe Shqipërisë ku fushat që çalojmë dhe çfarë duhet të bëjmë më tepër. Ka qenë një bisedë gjithëpërfshirëse, rol të rëndësishëm kanë luajtur raportimet e ministrave respektiv. Është shumë e rëndësishme që marrëdhëniet midis nesh të zhvillohen ne thelb, pavarësisht që mund të ketë ndonjë problem periferik që nuk biem dakord, por çështjet e tjera nuk na pengojnë që të zhvillojmë marrëdhënie intensive dhe vëllazërore”, ka thënë Minxhoni në Klan Kosova.

Ai ndër tjera ka thënë se një takim i ardhshëm mes delegacioneve të dy shteteve do të mbahet në nëntor në javën kur  është përvjetori i shpalljes së pavarësisë së Shqipërisë.

error: Ku po shkon !!

Adblock Detected

Please consider supporting us by disabling your ad blocker