Miftaraj: Qeveria Kurti po merret me tema të mëdha që të ikë nga problemet e përditshme

“Kjo qeveri është e vërtetë që ka një plan shumë ambicioz. Fatkeqësisht, ka një planifikim jo shumë serioz, nëse marrim vetëm agjendën legjislative që e ka bërë miratimin e 193 ligjeve, me rishikim 188, sepse janë tërhequr pesë projektligje, aktualisht në kuvend janë miratuar vetëm 18 projektligje, 10 përqind pra”.

“Qeveria i ka miratuar 105 prej tyre. Kjo qeveri ka ardhur në pushtet për shkak të sundimit të ligjit, qytetarët kanë pasur shpresën te kjo qeveri se ka për të ndryshuar mentalitetin, ka për ta ndryshuar praktikën e ish-qeverive më herët”.

Miftaraj, në Rubikon, ka thënë se qeveria aktuale ka probleme serioze.

“Kemi një problem serioz të kësaj qeverie. Me caktimin e prioriteteve, ku rol ka luajtur se kjo qeveri s’ka qenë në gjendje të ketë një dialog të strukturuar, një dialog konstruktiv me partnerët ndërkombëtarë, me identifikuar cilat janë prioritetet e kësaj qeverie për sundimin e ligjit për këtë vit ose në të ardhmen”.

Ai strategjinë mbi sundimin e ligjit e ka konsideruar si strategji sektoriale.

“Strategjia është kryer në kohën e Abelard Tahirit, pastaj nga qeveria Kurti 1. Albulena Haxhiu ka bërë disa ndryshime, Selim Selimi ka ndryshuar, çdo ministër që ka ardhur ka dashur të ndryshojë diçka. Kështu që puna e madhe është kryer në atë kohë. Nuk them që nuk është sukses që është miratuar, por thash nuk ka qenë në top prioritetet, siç ka qenë kërkesa e partnereve ndërkombëtarë”.

Ballina
Raporto
Video
Këmbimi
Moti
error: Ku po shkon !!

Adblock Detected

Please consider supporting us by disabling your ad blocker