Bulliqi “në botën e çudirave”, refuzon t’i thotë ‘koalicion’ koalicionit me PDK-në

Duke mos dashur ta quajë koalicion, Bulliqi ka shkruar në Facebook se me PDK-në ka arritur mirëkuptim për të qeverisur në Komunën e Podujevës.

“Sqarim për opinionin publik dhe mediat. Me qëllim të funksionalizimit dhe konsolidimit të legjislativit dhe ekzekutivit të komunës, ne i kemi përfshirë dy drejtorë që vijnë nga radhët e PDK-së dhe e kemi votuar edhe kandidatin e tyre për kryesues kuvendi. Duke qenë të vetëdijshëm për mungesën e numrave në Kuvendin Komunal dhe përgjegjësisë që na obligon si parti fituese e zgjedhjeve dhe mirëkuptimit që kemi hasur te grupi i këshilltarëve të PDK-së, kemi bërë më të mirën e mundshme që të vazhdojmë qeverisjen e mirë në katër vitet e ardhshme”, ka shkruar Bulliqi.

Pak orë më parë, Bulliqi e ka prezantuar kabinetin e ri qeverisës në Komunën e Podujevës, duke e zyrtarizuar koalicionin me Partinë Demokratike të Kosovës.

Bulliqi tha se sot e kanë mbajtur takimin e parë, ndërsa tha se do të punojnë për zotimet që ua kanë dhënë qytetarëve.

“Sot kemi mbajtur takimin e parë të Bordit të Drejtorëve, në të cilin kemi folur për punët e mëdha, projektet dhe detyrat që i kemi para vetës. Zotimet që i kemi dhënë para qytetarëve, do të jenë edhe puna e përditshme e jona. Si qeverisje lokale do t’ju qëndrojmë pranë atyre që kanë më së shumti nevojë, do të jemi të hapur, bashkëpunues e transparent me qytetarët, shoqërinë civile e mediat”, shkroi Bulliqi.

Ky është kabineti qeverisës i Podujevës për katër vitet e ardhshme:

Nënkryetare e Komunës: Marigona Lahu – LVV

Drejtore e Drejtorisë së Administratës: Antoneta Ejupi – PDK

Drejtor i Drejtorisë për Buxhet dhe Financa: Fatlum Osmani – LVV

Drejtor i Drejtorisë së Arsimit: Avni Fetahu – LVV

Drejtor i Drejtorisë së Shëndetësisë dhe Mirëqenies Sociale: Driton Veliu – LVV

Drejtor i Drejtorisë së Shërbimeve Publike, Mbrojtje dhe Shpëtim: Bahri Selimi – LVV

Drejtore e Drejtorisë së Pronë, Kadastër dhe Gjeodezi: Bahrie Shatrolli Mehmeti

Drejtor i Drejtorisë së Bujqësisë, Pylltarisë dhe Zhvillimit Rural: Fatmir Rudari – PDK

Drejtor i Drejtorisë së Inspeksionit: Besnik Mulliqi – LVV

Drejtor i Drejtorisë për Kulturë, Rini dhe Sport: Pajtim Balaj – LVV

Drejtor i Drejtorisë për Planifikim dhe Zhvillim Ekonomik: Vigan Salihu – LVV

Bulliqi tha se së shpejti kabineti qeverisës do të plotësohet edhe me drejtorin e Drejtorisë për Planifikim Urban dhe Mbrojtje e Mjedisit.

Ballina
RadioRahoveci
Video
Këmbimi
Moti
error: Ku po shkon !!