14 vite pavarësi, ceremoni zyrtare që nisin me parakalimin e FSK në Kosovë

Kosova feston sot 14-vjetorin e pavarësisë së saj, me një sërë aktivitetesh të organizuara nga institucionet qendrore dhe ato lokale.

Ceremonitë fillojnë me ngritjen e flamurit shtetëror nga Garda Ceremoniale e FSK-së në oborrin e Zyrës së Kryeministrisë, në të cilin do të marrin pjesë presidentja Vjosa Osmani, kryetari i Kuvendit, Glauk Konjufca si dhe kryeministri Albin Kurti.

Festa vijon më pas me parakalimin e Forcave të Sigurisë së Kosovës dhe Policisë së Kosovës në sheshin “Nënë Tereza” në Prishtinë, ndërsa në orën 11, Kuvendi i Kosovës do të mblidhet në seancë solemne. Ashtu sic tradita e kërkon, aktivitetet do të vijojnë me homazhe te shtatorja e komandantit legjendar të UÇK-së Adem Jashari në Prekaz dhe Skenderaj, shtatorja e Zahir Pajazitit në Prishtinë, varrezat e dëshmorëve në Gllogjan, Reçak dhe te varri i ish-presidentit Ibrahim Rugova.

Gjatë ditës janë paralajmëruar edhe një sërë aktivitetesh sportive dhe kulturore në të gjithë vendin.

Ballina
RadioRahoveci
Video
Këmbimi
Moti
error: Ku po shkon !!