Anija e mbushur me makina merr flakë në mes të oqeanit

Një anije mallrash, e mbushur me makina që po transportohen nga Europa drejt Shteteve të Bashkuara, ka marrë flakë në mes të Oqeanit Atlantik. Marina portugeze raporton se 22 anëtarët e ekuipazhit të anijes janë evakuuar. Anija “Felicity Ace” lëshoi alarmin teksa ishte pranë Ishujve Azore në mes të oqeanit, tha Marina portugeze në një njoftim. Shkaku i flakëve ende nuk është bërë i ditur.

Anija gati 200 metra i gjatë ishte nisur nga Emden në Gjermani më 10 shkurt, me destinacion portin e Davisville në shtetin amerikan të Rhode Island. Anija, e cila ka një kapacitet prej 4000 mjete, duhet të mbërrinte më 23 shkurt në destinacion. Anija transporton zakonisht makina Volkswagen, Lamborghini, Audi dhe Porsche.

Marina portugeze tha se një nga varkat patrulluese të saj dhe katër anije tregtare ndihmuan në operacionin e shpëtimit, ku mori pjesë edhe Forca Ajrore Portugeze. Disa prej të evakuarëve u dërguan në një anije greke që transportonte naftë.

Kompania Volkswagen tha në një deklaratë se ishte në dijeni të incidentit dhe po punonte me autoritetet për zbulimin e shkaqeve. Deri tani nuk raportohet për viktima apo të lënduar.

Ballina
RadioRahoveci
Video
Këmbimi
Moti
error: Ku po shkon !!