Ambasadori amerikan në Kosovë mban takim me Lumir Abdixhiku, flasin për partneritetin Kosovë-SHBA

Takimin e ka njoftuar vetë Hovenier me anë të një postimi në llogarinë zyrtare të tij në ‘Twitter’, shkruan Rahoveci INFO.

“Me Lumir Abdixhikun diskutuam partneritetin historik ShBA-Kosovë dhe rolin esencial që partitë politike luajnë në shoqëritë demokratike që të sigurojnë politika dhe ligje, të cilat janë përfituese për të gjithë qytetarët”, ka shkruar Hovenier.

With @LumirAbdixhiku, discussed the U.S.-Kosovo historic partnership and the essential role opposition parties play in democratic societies to help ensure policies & legislation that benefit all citizens. pic.twitter.com/9wBrzaI2NY

— Ambassador Jeff Hovenier (@USAmbKosovo) February 18, 2022

LDK në një komunikatë për media ka deklaruar se në takimin e Abdixhikut me ambasadorin amerikan, kreu i LDK-së ka rikonfirmuar qëndrimin se procesi i dialogut me Serbinë duhet të përfundojë me njohje reciproke.

“Gjatë takimit u diskutua edhe për procesin e dialogut ndërmjet Republikës së Kosovës dhe Serbisë, me ç’rast kryetari Abdixhiku rikonfirmoi qëndrimin e LDK-së për përfundimin e këtij procesi me njohje reciproke, normalizim të marrëdhënieve ndërmjet dy vendeve, e në respektim të plotë të integritetit territorial dhe rendit kushtetues të vendit tonë. Kryetari Abdixhiku e vlerësoi lartë mbështetjen e pazëvendësueshme të ShBA-ve në të gjitha proceset shtet-formuese të Kosovës, ndërkaq shprehu përkushtimin e palëkundur të LDK-së për thellimin dhe mirëmbajtjen e miqësisë së përhershme ndërmjet dy vendeve tona”, thuhet në komunikatën e LDK-së.