24 vite nga rënia heroike e Miftar Rrecit, dëshmorit të parë të Epopesë së UÇK-së

Rreci ishte bashkangjitur shumë kohë më parë në radhët e Ushtrisë Çlirimtare të Kosovës, atje ku së bashku me shokët e idealit filluan dhe ndërtuan kryengritjen ndaj agresorit serb.

Ishin ditët e para të marsit 1998, kur okupatori serb rriti intensitetin e forcave të pranishme ushtarake në tërë Skenderajn, veçanarisht në fshatrat Prekaz, Polac, LLaushë ku edhe filluan sulmet ndaj familjes Jashari dhe rajonit të Drenicës në përgjithësi.

Rreziku i parë, forcave serbe do t’u vinte nga Llausha, fshat ky që po kujdestarohej vazhdimisht nga Miftari me shokë. Pikërisht në Llaushë, mëngjesin e 5 marsit, Rreci po kujdestaronte dhe po vëzhgonte situatën në zonat përreth, përfshirë këtu edhe Prekazin që ishte edhe baza e sulmit të organizuar nga forcat serbe.

Duke e kuptuar situatën, Miftar Rreci së bashku me disa bashkëluftëtarë u aktivizuan dhe dolen në ballafaqim të drejtpërdrejtë me forcat serbe, atje ku pas nja beteje edhe ra heroikisht si dëshmor i parë i Epopesë së marsit legjendar.

Në vitin 2014, në nderim të veprës dhe kontributit të tij, u ndërtua lapidari i cili gjendet në fshtatin e tij të lindjes, atje ku shumë njerëz kujtojnë dhe lartësojnë jetën dhe veprën e tij kushtuar atdheut.

Komuna e Skenderajt ka planifikuar që me datën 6 mars, ditën e dëshmorëve, të mbajë homazhe tek lapidari i tij, atje ku të pranishëm pritet të jenë edhe krerë të ndryshëm të institucioneve tjera.

Lajmet 24 vite nga rënia heroike e Miftar Rrecit, dëshmorit të parë të Epopesë së UÇK-së >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!