Qyteza polake që u shndërrua në strehën e përkohshme të ukrainasve (VIDEO)

Drejtori i Klan Kosovës dhe gazetari, Adriatik Kelmendi, ka raportuar nga qyteza Przemysl që është më së afërti vijës kufitare mes Ukrainës dhe Polonisë.

Në këtë qytezë janë duke u strehuar përkohësisht shumica e refugjatëve ukrainas, që kanë arritur në Poloni, e prej nga po drejtohen për qytete të tjera të Polonisë, apo vende të tjera.

Kelmendi është paraqitur nga stacioni i trenit ku janë duke qëndruar shumë prej ukrainasve që janë larguar nga lufta e të cilët po presin që nga aty të largohen për t’u strehuar diku tjetër.

Aty janë stacionuar edhe gazetarët e shumë vendeve të ndryshme të cilët janë duke raportuar për të gjitha zhvillimet, tashmë kur Ukraina ka hyrë në ditën e 15-të të sulmit ushtarak të Rusisë.

Në këtë stacion ka edhe shumë vullnetarë të cilët po shpërndajnë ushqime të ngrohta, qumësht për fëmijët e vegjël dhe po ndihmojnë refugjatët për çka do që kanë nevojë. Madje, ka prej tyre që mision të vetëm e kanë që të argëtojnë dhe të mbajnë lart disponimin e të gjithë atyre që janë larguar nga shtëpitë e tyre të shkatërruara dhe qytetet e bombarduara.

Ndryshe, sipas të dhënave të fundit rezulton se 1.5 milion ukrainas kanë hyrë në Poloni që nga fillimi i pushtimit.

 

Lajmet Qyteza polake që u shndërrua në strehën e përkohshme të ukrainasve (VIDEO) >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!