Nagavci: Nuk është koha për grevat që i ka paralajmëruar SBASHK-u

Ministrja e Arsimit, Shkencës, Teknologji dhe Inovacionit (MAShT), Arbërie Nagavci thotë se aktualisht nuk është koha për greva të cilët janë paralajmëruar nga SBAShK-u.

Sipas saj, Qeveria e Kosovës po punon shumë dhe grevat e protestat janë të panevojshme për shkak të humbjeve në mësim të nxënësve.

Ministrja e Arsimit është shprehur se bashkë me mësimdhënësit dhe SBASHK-un duhet të japin maksimumin për të përmirësuar rezultatet në arsim.

Të shtunën kryetari SBAShK-ut, Rrahman Jashari pasi e mori për herë të tretë mandatin si kryetar i kësaj Sindikate paralajmëroi protesta më 8 prill dhe pastaj grevë pas 20 prillit.

“Unë nuk besoj që është koha për greva, Qeveria e Kosovës është duke punuar shumë. Humbjet tek nxënësit kanë qenë të mëdha, kështu që besoj që bashkë me të gjithë mësimdhënësit dhe SBAShK-un duhet të japin maksimumin për fëmijët tanë. Ka shumë nevojë për përmirësim të rezultateve në arsim”, tha Nagavci.

SBAShK-u po kërkon që deri në miratim të Ligjit të Pagave punëtorëve të arsimit tu shtohen 100 euro në pagë.

 

Lajmet Nagavci: Nuk është koha për grevat që i ka paralajmëruar SBASHK-u >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!