Policia e përgënjeshtron K.F. Gjilanin: I kërkuan 10, e jo 30 policë

Policia e Gjilanit e ka hedhur poshtë pohimin e K.F. Gjilanit të cilët kishin thënë se i kishin kërkuar 30 policë për ndeshjen Gjilani – Ballkani në kuadër të ligës elitare të futbollit kosovar.

Në fund të ndeshjes, ngjarja u përcoll me një incident të rëndë ku tifozët vendës e sulmuan fizikisht portierin e klubit suharekas, Stivi Frashëri.

Zëdhënësi i Policisë Rajonale të Gjilanit, Ismet Hashani, i ka thënë Klan Kosovës se K.F. Gjilani ka bërë kërkesë me shkrim për vetëm dhjetë policë (për punë sekondare).

Hashani shtoi se nga stacioni i kanë dërguar edhe dhjetë policë shtesë me detyrë të rregullt për përballjen ndaj Ballkanit.

Sipas tij, si zakonisht gjashtë tjerë në çdo ndeshje janë vetëm për gjyqtarët, delegatin dhe kombin e VAR-it.

Lajmet Policia e përgënjeshtron K.F. Gjilanin: I kërkuan 10, e jo 30 policë >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!