Senatori amerikan: Qeveria e Kurtit, kokëfortë për vazhdimin e dialogut

Senatori amerikan, Chris Murphy, ka përmbledhur përshtypjet e tij për udhëtimin katërditor në Ballkan.

Prishtina është njëri nga qytetet e preferuara të Murphyt, i cili vizitoi Kosovën para dy javësh së bashku me dy senatorë të tjerë (Jeanne Shaheen dhe Thom Tillis).

Senatori demokrat e ka përshkruar udhëtimin e tyre në Prishtinë me dy detyra kryesore që kishin – vizitën te civilët afganë në Bondsteel dhe dërgimin e mesazhit të fortë qeverisë së re të Albin Kurtit për rifillim të dialogut me Serbinë.

Murphy e quan kokëfortë qeverinë e Kurtit sa i përket vazhdimit të bisedimeve me Serbinë, njofton Klankosova.tv.

“Detyra jonë e dytë ishte t’i jepnim një mesazh të fortë qeverisë së re të Kosovës në takimet tona me presidenten e re Vjosa Osmani dhe aktivistin e kthyer në kryeministër Albin Kurti. Kosova do të dëshironte të anëtarësohej edhe në NATO edhe në Bashkimin Evropian, por që kjo të ndodhë Serbia dhe Kosova duhet të arrijnë një marrëveshje në të cilën njohin ekzistencën e shtetit tjetër. Një dialog drejt këtij qëllimi është në proces, por si qeveria serbe ashtu edhe ajo e Kosovës nuk kanë bërë përparim të mjaftueshëm dhe së fundmi qeveria e Kurtit ka qenë veçanërisht kokëfortë në vazhdimin e bisedimeve”, ka shkruar senatori amerikan.

Lajmet Senatori amerikan: Qeveria e Kurtit, kokëfortë për vazhdimin e dialogut >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!