Ndeshja Peja-Trepça, vie edhe reagimi i KB ‘Peja’

Rahoveci INFO 19 Maj, 2022

ndeshja-peja-trepca,-vie-edhe-reagimi-i-kb-‘peja’

Pas fitores dhe incidenteve në parket në ndeshjen me KB ‘Trepça’, në ndeshjen e tretë të serisë gjysmëfinale të “Play-off”-it ka ardhur edhe reagimi nga KB ‘Peja’.

Ndeshja e zhvilluar në “Karagaçi” dhuroi spektakël deri në fundin e ndeshjes, ku pastaj situata u tensionua.

Reagimi i plotë:

“Ndeshja e cila në parket ishte një dramë e vertet u prish nga disa incidente të tifozëve nga të dyja palët të cilët vetem sa po e damtojnë basketbollin edhe mundin e ekipeve dhe lojtareve.

Fatkeqsisht edhe ne Mitrovicë e edhe në Pejë tifozët po hyjnë në parket duke shkaktu telashe e edhe po hudhin gjësende në fushë. Për këto duhet qe Policia e Kosovës të reagoj dhe ti denoj akterët e këtyre incidenteve, sepse ne si klube nuk e kemi at mundësi.

KB Trepçes i dëshirojme kthim të mirë në Mitrovice dhe i urojmë për një lojë fantastike për çka premtojmë se do vazhdojmë maksimalisht qe duelet tona të vendosen në parket duke dhuru spektakel për çka e meriton basketbolli i Kosovës.

Ditët në vazhdim do jemi në komunikim me Federaten dhe KB Trepçen qe organizimet tona të jenë sa më të mira dhe mos perseriten incidentet e tilla ndeshjet e rradhes.”-thuhet në reagim.

Ndryshe, Peja ka shënuar fitore ndaj Trepçës në ndeshjen e tretë të serisë gjysmëfinale të “Play-off”-it. Mitrovicasit tani udhëheqin me 2:1, teksa skuadra që shënon tre fitore kalon në finalen e madhe.

26 sekonda para fundit të ndeshjes, ekipi mitrovicas u largua nga palestra pasi u ankuan në mungesë të sigurisë.

Situata eskaloi pastaj edhe më shumë, pasi filloi një përplasje mes tifozëve./Rahoveci info/

Lajmet Ndeshja Peja-Trepça, vie edhe reagimi i KB ‘Peja’ >> Rahoveci info.

Rahoveci INFO 19 Maj, 2022