Reagon Klitschko, thotë se deklarata e tij për shqiptarët ishte e rremë

Kryetari i Kievit, Vitali Klitschko, ka reaguar për lajmin e “Le Canton 27.ch”, në të cilin artikull thuhej se ai i ka falënderuar shqiptarët dhe Kosovën për solidaritetin me popullin ukrainas në luftën me Rusinë.

Përmes një shkrimi në Instagram, Klitschko tha se përpara se ta shpërndajnë këtë informacion, gazetarët duhet ta konfirmojnë një ekskluzivitet të tillë.

“Miq, disa media të huaja online, përfshirë ato ruse, vazhduan të përhapin “citimin” tim të supozuar për Serbinë dhe Shqipërinë. Unë s’e komentova dhe përpara se ta rishpërndajnë këtë informacion të supozuar dhe të citojnë diçka, gazetarët duhet të kërkojnë konfirmimin me audio ose video të një ekskluziviteti të tillë”, ka shkruar Klitschko, transmeton Klankosova.tv.

Në lajmin e medias shqiptare në Zvicër, “Le Canton 27.ch”, citohet Klitschko të ketë thënë se “pasi ju u çliruat nga Serbia, edhe ne do të çlirohemi nga Rusia”, duke iu referuar Kosovës.

Lajmet Reagon Klitschko, thotë se deklarata e tij për shqiptarët ishte e rremë >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!