Cili është bilanci i Kosovës kundër Greqisë?

Kombëtarja e Kosovës do të luajë ndeshjen e pestë zyrtare kundër Greqisë.

Ndeshja do të zhvillohet sonte me fillim prej orës 20:45, në stadiumin “Fadil Vokrri” në Prishtinë.

Në katër ndeshjet e para “Dardanët” kanë tre barazime dhe një humbje.

Loja e parë ishte zhvilluar më 6 shtator 2020 në Prishtinë, ku Kosova e kishte humbur ndeshjen me rezultat 1:2, në kuadër të Nations League.

Pas më shumë se një muaj, më 14 tetor në ndeshjen kthyese “Kaltër e verdhët”, arritën ta marrin një barazim si mysafir me rezultat 0:0.

E pas një viti të dyja kombëtaret patën punë sërish me njëri-tjetrin, veçse kësaj here në kualifikimet për kampionatin botëror.

Më 5 shtator 2021, në Prishtinë Kosova arriti përball Greqisë ta nxjerr një barazim 1:1.

E njëjtë luajtën edhe në shtetin helen më 14 nëntor, njofton Klankosova.tv.

Në rast se arrin që Kosova sonte të fitojë përball Greqisë atëherë bilanci do të ishte tërësisht i barabartë mes dyja ekipeve.

Ndeshjen e parë të edicionit të ri të Nations League, ekipi i udhëhequr nga Alain Giresse, e ka fituar me rezultat 2:0 si mysafir i Qipros.

Lajmet Cili është bilanci i Kosovës kundër Greqisë? >> Rahoveci.info.

Ballina
RadioRahoveci
Video
Këmbimi
Moti
error: Ku po shkon !!