Deklarata e Lushtakut para Gjykatës: Rasti është i montuar kundër meje dhe familjes time

Për 48 orë është ndaluar në mbajte, Nuredin Lushtaku.

Ish-nënkryetari i Skenderajt, Nuredin Lushtaku, i dyshuar për sulm ndaj dy zyrtarëve policorë në Skenderaj, në fjalën e tij para gjykatës tha se ky rast është i montuar kundër tij dhe familjes se tij.

“Rrethanat e këtij rasti konsideroj se janë te montuara kundër meje dhe familjes time”, tha Lushtaku.

Ai tha se duke i dëgjuar fjalët e prokurorisë e çudit fakti se si polici po behet viktimë nga prokuroria.
“Me sa unë e di i kanë edhe dy mjete të tjera ose tri, nëse e sheh që po rrezikohet prej masës ose prej dikujt, e fundit është mundësia e përdorimit të armës, nga policet e tjerë e kam parë që kanë përdorë sprej, çka kish ndodhë nëse edhe ata të gjithë i kishin nxjerrë revolet dhe na kishin drejtu neve, kur është nxjerrë revolja ne jemi tut që po vrahemi, masi që ka gjujt polici me revole, secili veprim ka qenë i ndikuar nga frika e te shtënave, dhe për me ja hjeke revolen mos me vra dikon”, ka thënë Lushtaku në gjykatë, raporton Betimi për Drejtësi.

Ai ka shtuar se askush nuk ka nevoje të ketë frik prej tyre, as policia dhe as prokuroria.

Ballina
RadioRahoveci
Video
Këmbimi
Moti
error: Ku po shkon !!