Fatmir Limaj: Qeveria Kurti e ka programin e vjedhur

Kryetari i Nismës Socialdemokrate ka folur për disa nga problemet aktuale në vend duke filluar nga gjendja ekonomike.

Limaj e akuzoi Qeverinë Kurti se e ka programin politik të vjedhur.

“Neve na ka ardhur një qeveri pa program. Mirëpo, ka vjedhur programe, i kopjon, i deformon, e kthen në një qeveri sociale”, tha Limaj në ATV.

Limaj, gjithashtu tha se Kurti veçse ka hequr dorë nga puna e tij.

“Kryeministri i Kosovës ka hequr dorë nga puna. Një kryeministër i cili e ka situatën “lomsh” në vendin e tij, duke filluar nga gjendja ekonomike deri te gjendja politike. Çfarë po bën ai? Ai, po e bën atë që di ta bëjë më së miri, “me shku me ba naj pallavër”, e me i shit fall botës për Kinën, Ukrainën e për gjeopolitikën, për nga 1 javë ditë në seminare. Qeveria Kurti nuk di të bëjë gjë tjetër përveç të mbajnë ligjërata nga 40 minuta. Tërë jetën e tyre kanë ‘shitur fall’”.

Ndërkaq, në diskutim e sipër ai tha se populli i Kosovës ka një qeveri pa qëllime, e që sipas tij nuk po ndërmarrin asgjë për t’i zgjidhur problemet aktuale me të cilat vendi po ballafaqohet.

Ballina
RadioRahoveci
Video
Këmbimi
Moti
error: Ku po shkon !!