Temperaturat afër 40 gradë, IHMK ka disa këshilla

Temperaturat e larta kanë kapluar vendin tonë.

Moti në dy ditët e ardhshme do të jetë mot me diell dhe vranësira të shpërndara kryesisht për gjatë relievit malor.

Instituti Hidrometeorologjik i Kosovës ka njoftuar se temperaturat do të shënojnë rritje të lehta, në orët e mesditës. Minimalet do të lëvizin ndërmjet 11-15 gradë Celsius, ndërsa maksimalet e ditës parashihen të lëvizin ndërmjet 32-38 gradë Celsius.

“Indeksi UV vazhdon t’i mbajë vlerat e larta, prandaj këshillohet shmangëja e kontaktit direkt me rrezet e diellit, në intervalin kohorë 10-17, (konsumo ujë, jo edhe lëngje të gazuar dhe me sheqer, bartë masa mbrojtëse, syze, kapelë, rroba të pambukta me ngjyra të lehta. Të moshuarit dhe rastet me sëmundje kronike të qëndrojnë në ambiente të freskëta dhe të ajrosura mirë)”, thuhet në njoftimin e tyre.

Do të fryjë erë kryesisht nga verilindja e lehtë deri mesatare. Të dielën parashihet rënie të lehta të temperaturave maksimale pasi ka mundësi që vende-vende të ketë riga shiu të përcjellura me shkarkime rrufesh.

Ballina
RadioRahoveci
Video
Këmbimi
Moti
error: Ku po shkon !!